GEE JOU INSETTE VIR  DIE GEÏNTEGREERDE ONTWIKKELINGSPLAN (GOP)

Die Langeberg Munisipaliteit nooi alle inwoners, gemeenskappe en belanghebbendes uit om deel te neem aan die vorming van ons toekoms. Van 1 September tot 31 Oktober 2026 kry jy die geleentheid om jou idees en prioriteite vir die Geïntegreerde Ontwikkelingsplan (GOP) te deel. Die GOP is die padkaart wat rigting gee aan hoe ons dienste, infrastruktuur en ontwikkelingsprogramme regoor Langeberg beplan.

Jy ken jou gemeenskap die beste. Jy sien elke dag wat die uitdagings is. Jou insette maak saak.

Deelname is maklik – Deel jou mening aanlyn
Ons het die proses vergemaklik sodat jy jou mening kan gee. Gedurende die deelnameperiode kan jy jou voorstelle indien sonder om ’n vergadering by te woon deur enige van die volgende platvorms te gebruik:

• Aanlyn opname op die Munisipale webwerf: https://tinyurl.com/bddtyfeb
• Kontakvorm op die Munisipale webwerf: https://www.langeberg.gov.za/contact-us.html
• E-pos: This email address is being protected from spambots. You need JavaScript enabled to view it.
• WhatsApp: 065 211 7822
• Stuur vir ons ’n boodskap op Facebook: https://www.facebook.com/profile.php?id=100064487810624
• Stuur vir ons ’n boodskap op Instagram: https://www.instagram.com/langebergmunicipality/
• Stuur vir ons ’n boodskap op X (Twitter): https://x.com/Langeberg_Muni
• Antwoord op enige Langeberg-SMS (R1,50 per SMS)
• Jou Wyksraadslid of Wykskomiteelid

Ons sal ook aanmanings en skakels deur ons kommunikasiekanale deel om jou op hoogte te hou.

Geen internet nie? Geen probleem nie.
Nie almal het toegang tot toestelle, data, of die vermoë om te skryf nie. Dit beteken nie jy word uitgesluit nie. Besoek jou naaste munisipale kantoor gedurende die deelnameperiode, en ons personeel sal jou behulpsaam wees met die voltooi en indien van jou voorstelle. Elke inwoner verdien ’n stem.

Wat moet ek insluit?
Wanneer jy jou idees indien, hou dit duidelik en spesifiek met die volgende inligting:

• Waar – jou dorp, wyk, straat of gebied.
• Wat is die behoefte – beskryf die probleem of prioriteit.
• Wie word geraak – ’n straat, buurt, organisasie of die breër wyk.
• Wat stel jy voor– stel die verbetering of projek voor wat jy graag oorweeg wil hê.

Voorbeelde sluit in:

• Opgradering van paaie en stormwaterstelsel
• Water- en sanitasiedienste
• Straatbeligting en elektrisiteit
• Afvalbestuur en onwettige storting
• Parke, behuising en gemeenskapsfasiliteite
• Veiligheid, jeug- en ontwikkelingsprogramme
• Ekonomiese en werkskeppingsinisiatiewe

Wees spesifiek. In plaas daarvan om te sê: “Ons paaie is sleg,” kan jy skryf: “In Wyk 1, Robertson, is die teerpad in Kerkstraat besig om uitmekaar te val. Dit maak bestuur vir inwoners moeilik en gevaarlik. Evalueer asseblief die pad vir herstelwerk of opgradering.”

Hoe meer besonderhede jy gee, hoe makliker is dit vir ons om op te tree.

Wat gebeur volgende?
Alle insette wat tussen 1 September en 31 Oktober 2026 ontvang word, sal aangeteken en oorweeg word as deel van die GOP-beplanningsproses. Nie elke projek kan onmiddellik befonds word nie – ons moet hulpbronne, verantwoordelikhede en uitvoerbaarheid in ag neem. Sommige sake kan ook onder die verantwoordelikheid van die Wes-Kaapse Regering of Nasionale Regering val, en ons sal hulle betrek waar nodig.

Die belangrikste stap is om seker te maak dat jou gemeenskap se behoeftes gehoor word en op die beplanningsagenda geplaas word.

GOP-inset of diensteklagte?
Onthou:
• ’n GOP-inset kyk na die toekoms – dit gaan oor ontwikkelingsprioriteite en langtermynbeplanning.
• ’n Diensteklagte gaan oor onmiddellike probleme, soos ’n gebarste pyp, kragonderbreking of vullis wat nie verwyder is nie. Dit moet steeds deur die Munisipaliteit se gewone diensversoekkanale – 24-uur-inbelsentrum – aangemeld word.

Neem positief deel – Help ons om vir Langeberg te beplan
Openbare deelname werk die beste wanneer gemeenskappe konstruktiewe, realistiese en oplossingsgerigte idees deel. Praat met jou bure. Bespreek prioriteite met jou Wyksraadslid en Wykskomitee. Dink aan wat jou gemeenskap nou nodig het en waarvoor daar vir môre beplan moet word.

Of jy in Ashton, Bonnievale, McGregor, Montagu, Robertson of ons landelike gebiede woon, dit is jou geleentheid om te help vorm gee aan die toekoms van Langeberg.

JOU STEM. JOU WYK. JOU LANGEBERG.
Verbind. Neem deel. Laat jou stem hoor. Help ons om vir die toekoms van Langeberg te beplan.